2 nagtan-awo'g tv gipamusil

CEBU, Philippines - Kritikal ang kahimtang sa duha ka manag-agaw   human pamusila sa wala hiilhing kriminal didto sa barangay Abucayan, lungsod sa Balamban niadtong Lunes sa gabii.

Ang mga biktima mao ang usa ka 17 anyos nga bayong-bayong ug nagpuyo sa maong lugar ug si Joseph Pardilla, 20, ulitawo, taga siyudad sa Talisay nga ig-agaw sa menor de edad.

Si PO2 Godofredo Dumdum sa Balamban Police Station mibutyag sa Banat News nga nanan-aw og salida sa TV ang mga biktima dihang kalit silang   gipamusil nga nagtalikod, busa pulos nabuko-buko pagka-igo ang duha.

Nadunggan sa kapolisan nga ang mga biktima   gipasanginlang nangiriw og manok igtatari sa ilang silingan. Sa pagkakaron ania sa usa ka tambalanan sa dakbayan sa Sugbo ang mga biktima, samtang gipangita na sa kapolisan ang mga kriminal. (BANAT NEWS)