Sa Kasaysayan Karon

Hulyo 4 - Manuel Roxas

1946 -- Nakalingkod si Manuel Roxas isip labing unang pangulo sa Pilipinas ilawom sa Philippine Republic. Gikan sa pagkatukod sa gobiyerno sa Pilipinas siya maoy ikatulong presidente sa miaging tulo ka republika sa nasud gikan ni Emilio Aguinaldo. Nahimong labing unang presidente sa Republika ng Pilipinas si Roxas human gihatag sa Amerika ang tiunay nga kagawasan sa Filipino gikan sa ilang kolonya. Niadtong 1948 namatay si Roxas siya maoy ikatulong presidente sa Pilipinas nga dunay labing mubo nga termino nga milanat lang og usa ka tuig, napulo ka bulan ug 18 ka adlaw.

Cloud seeding

1906— Natawo si Vincent Joseph Schaefer ang Amerkanong physicist ug chemist nga maoy nakadiskubre sa iyang meteorological research kung giunsa pagporma sa ulan. Gamit ang iyang kahibalo sa physics mihimo siya og mga research ug ekspiremento sulod sa General Electric (GE) Research Laboratory sa Schenectady, New York. Diha niya nadiskubrehi kung unsaon paghimo og snowstorm sulod lang sa maong laboratoryo ug napamatud-an niyang mahimo kini sa gawas. Niadtong Nobiyembre 13, 1946 luwan sa usa ka motorsiklo miadto sila sa Mount Greylock sa Massachusetts ug didto iyang gisuwayan ang ekspiremento ug gisabwag ang mga dry ice (solid carbon dioxide) nga nahimong labing unang snowstorm nga gimugna sa tawo. Diha sa iyang ekspiremento gibase ang modern karong paghimo og artificial rains nga gitawag og cloud seeding kun grabe na kaayo ang kainit sa panahon.

Japan nakaabot sa Mars

1998—Milampos ang Japan pagpalupad sa ilang “Nozomi” ("Hope") gikan sa Kagoshima Launch Centre. Tungod niini nahimo silang ikatulong nasud sunod sa US ug Russia nga nakaabot sa Mars. Ang maong spacecraft una pa molahos sa Mars mituyok kaduha sa bulan niadtong Septiyembre ug Disyembre aron makabuylo ug maka-adjust sa iyang direksyon lahos ngadto sa Mars nga gitakda untang moabot sa Oktubre1999. Apan pakyas kini nga maabot sa maong schedule apan giusab dayon ang plano ug milampos kini pag-abot sa maong planeta Marso 2003 na. Ang tuyo sa mga Japanese scientist sa maong misyon mao nga masukod ang intereksyon tali sa solar wind ug sa kalangitan sa Mars. - BANAT NEWS