Giluba sa namista

CEBU, Philippines - Nadunggaban patay sa usa ka mamistahay nga nakakita og lalis sa gikombirahan diha sa sitio Simbawan sa barangay Nailon sa siyudad sa Bogo alas 5:30 sa buntag niadtong nakalabayng adlaw. Ang biktima mao si Carlito Lipen Varga, 43, residente sa maong dapit samtang ang suspek mao si Reden Dianar Butal, 24, taga barangay Del Carmen,Puson, Masbate ug kasamtangang nagpuyo sa sitio Looc sa mao gihapong barangay. Matud ni PO1 Abel Nasataya sa Bogo City Police Station dihang nahinabi sa Banat News nakaangkon og samad dinunggaban sa tuong bahin sa lawas ug gidali kini pagdala sa tambalanan apan namatay kini paglabay sa lima ka oras. Giingong nakig-inom ang suspek sa biktima dihang sila nagkalalis nga misampot sa pagpanunggab. Nadakpan hinuon ang suspek. (BANAT NEWS)