Patay sa dasmag

CEBU, Philippines - Patay ang usa ka 42-anyos nga lalaki human kini madisgrasya sa gimaneho niining motorsiklo nga nasampak sa usa ka traysikol sa miaging adlaw sa buntag sa Barangay Arpili, Balamban. Si Ronilo Sigue, taga sitio Maraat, barangay Matab-ang, Toledo City wala na madala sa hospital human kini mamatay tungod sa grabeng kadaot nga nahiaguman sa pagbangga sa traysikol ni Hinidino Pomelo Peñalosa, 55. Si PO2 Godofredo Dumdum, sa Balamban Police Station, padulong nagkanayon pauli ang biktima dihang kalit kining nawagtangan og kontrol sa iyang motorsiklo ug nasampak sa kasugat nga traysikol. Tungod sa kakusog sa pagbangga nabanda si Sigue sa kongkretong tindahan ug nalahos ngadto sa kakahuyan. Mitahan sa kapolisan si Peñalosa human sa hitabo.