Hulyo 3
La Liga Filipina
1892—Gitukod ni Dr. Jose Rizal ang La Liga Filipina, nga usa ka civic movement nga ang tumong mao ang panaghiusa sa mga Filipino, aron magkahiusa sa ilang mga kalihukan alang sa katumanan sa mga reporma ug awtonomiya gikan sa dili makatarunganong pagdumala sa mga Espanyol.
Lalaki nanganak
2008 –Katuohan o dili? Usa ka lalaking Amerikano nga si Thomas Beatie nanganak. Si Beatie usa ka transgender male, gipanganak nga usa ka babaye apan gustong mahimong lalaki ug pinaagi sa legal nga proseso nahimo siyang legal nga usa ka lalaki. Apan tungod sa kalisod ug kakuti sa proseso sa gender reassignment, gipili ni Beatie nga ipabilin una ang iyang female reproductive organs. Dihang siya naminyo ngadto sa usa ka babaye siya maoy nagpamabdos tungod kay baog ang iyang asawang si Nancy. Gamit ang artificial insemination namabdos siya ug normal niya kining gipanganak. Niadtong 2010, giila sa Guinness World Records si Beatie nga world's "First Married Man to Give Birth." Ang mga anak ni Beatie usa ka babaye ug duha ka lalaki niadtong 2008, 2009 ug 2010. Human niadto nagpailawom sa phalloplasty si Beatie aron buhatan siya og artipisyal nga kinatawo sa lalaki ug naglaraw na usab siya nga magpa hysterectomy o ang pagtangtang sa matris aron di na mamabdos pag-usab.