Hulyo 1: PHL Bill of 1902

1902— Giaprubahan sa Kongreso sa Estados Unidos ang Philippine Bill of 1902 nga nagtugot sa pag-establisar dinhi og Civil Government of the Philippines. Ang Pilipinas niining mga tuiga ilawom pa sa Commonwealth government sa Estados Unidos.

Atomic bomb vs barko

1946— Milampos ang mga Amerikano sa ilang ekspiremento paggamit og bombang nukleyar sa kadagatan. Alas-9 sa buntag usa ka B-29 bomber nga nagdala sa atomic bomb nga gipanganlan nila og “Able Day” ug mihagbong niini dayon gipabuto sa gihabugong 500 ka tiil ibabaw sa Bikini Atoll sa Pasipiko. Aron mahibaw-an kung mahimo bang gamiton ang susamang bomba batok sa mga naval ships gituyo sa mga Amerikano ang pagbutang og mga barko, lima ka barko ang nalunod sa impact sa pag-ulbo sa usa lang ka pamilok.

Nakuyawan sa nuclear weapons

1968— Gumikan sa nakit-ang dakong peligro nga mapapas ang tanang kinabuhi sa kalibutan kun magsinukliay og bombang nukleyar ang mga superpowers kun dunay mahitabong World War III, nagpinirmahay ang Estados Unidos, Britanya, Soviet Union (USSR) ug 58 ka mga nasud sa Nuclear Nonproliferation Treaty. Ang maong kasabutan gihimo aron dili mokatag ang mga armas nukleyar sa kalibutan, kooperasyon sa kanasuran alang sa malinawong paggamit sa teknolohiyang nukleyar ug ang posibilidad nga hingpit nga pagwagtang niini sa kalibutan.