Soco milaum i-tandem ni PJ Garcia

CEBU, Philippines - Gipaabot ni Glenn Soco nga imbitahon siya sa One Cebu Party aron konpirmahon nga siya maoy ikandidato pagka-bise gobernador sa maong partido sa umaabot nga election sa tuig 2013.

 Si Soco nagkanayon nga wala siya kawad-i og paglaum nga pakigkitaan siya ni Kongresista Pablo John Garcia sa ikatulong distrito sa lalawigan sa Sugbo ug opisyal nga pahibaw-on nga siya maoy himoong bise niini sa nagkaduol na nga deadline sa sinang-atay sa sertipiko di kandidatora.

Kay sama sa m iaging election sa tuig 2010, gipahibawo siya sa iyang papel sa hapit na isira ang pagpanawat sa mga aplikasyon alang sa certificate of candidacy, matud pa ni Soco.

Nasuta na nga si PJ Garcia maoy itugpo sa One Cebu Party sa pagka-gobernador apan ang mahimong bise niya wala pa hisayri dihang ang gihugonhugonang ikauban niya mao unta si Bise Gobernador Agnes Magpale kinsa mitapon sa Liberal Party ug gihimong   kandidato sa pagka-bise gobernador ni kanhi konsehal Hilario Davide III sa dakbayan sa Sugbo kinsa maoy kandidato sa pagka-gobernador sa LP.

Apan matud pa ni Soco nga bisan si Magpale mao unta ang gipili sa One Cebu nga maoy mobise-gobernador kang PJ Garcia, wa siya masilo niini.

Kay nagtuo siya nga gani bisan si anhing bise gobernador Greg Sanchez nga hilabihan na ka beterano sa maong posisyon kaniadto, kaduha-duhaan ang iyang kadaugan batok kaniya sa sambunot nila sa tuig 2010. Kini tungod kay nagtuo si Soco nga may kaugalingon siyang mga suporter nga lunod patay nga mopaluyo kaniya. (BANAT NEWS)