Pilipinas turko na!(Toink!)

Kun insik pay pasultihon.

Magtutudlo: Shoktong unsay kapital sa Pilipinas?

Shoktong: Ako bado Mam wada kapital pidipinas, utang duna (Aguy!)

Kun buhi kay ni nga komedya kaniadto medyo makabawi na ang nasud karon. Tiaw moy usa ka bilyong dolyar ang ipuhonan sa Bangko Sentral nga ipahulam sa International Monetary Funds alang sa mga naglisod nga kanasuran sa Uropa.

Gawas nga makapanindot sa imahen moginansiya pa. Apan igo na ba ni nga basehan nga magpa5-6 na ang Pilipinas?

(hisgot man tag 5-6 diay manag-uyab ay nag-away)

Senyang: (Suko) Magbulag ta! Maluibon ka.

Bitoy: (Suko) Bulag kon bulag.

Senyang: (Suko) Iuli tong tanan nakung gihatag nimo apil natong halok.

Bitoy: (Suko) hain katong imong halok sa wala nakung aping o nia ra tsup!

Senyang: Ang sa tuo naku nga halok.

Bitoy: O nia ra tsuppp!

Senyang: Ang sa lips!

Bitoy: Kay nihalok diay ko sa lips wala man.

Senyang: Wala lagi! Pero ang interest diay (Toink!/Aguy!)

Hehehehehehehehehehehehe!!!!!!

Dakong interes ang makuha sa maong puhonan nga kapuslan matud pa sa nasud. Wala siguroy lalis kun maghisgot tag ganansiya. Natural moginansiya man gyud ang pahulam nga patubo. Apan mapahimuslan ba ni nga sa mga utang karon sa Pilipinas sa ubang institusyon mas dako man ang tubo sa nasud kay sa tubo nga iyang mapahimuslan sa IMF?.

Tsu…..tsu…… tsu……. Dili ka ha ta mahimong nagpawong og kayo sa silingang panimalay apan human nato maluwas naugdaw sab ang atong gipuy-an?

Sa mga dili uyon, mahimong ubos lang ang atong panglantaw ikompara sa mga eksperto nga nagdumala sa maong programa. Apan dili siguro kinahanglan nga mahimo kang eksperto sa pagtimbangtimbang nga magpahulam ka nga menos ang dawat nga tubo samtang maghulam ka sa samang higayon sa uban nga dako ang imong tuboan.

Matud ra ba sa uban mas dako’g hubag sa sampot ang mga magpatubo sa mga nagkinahanglan og tabang. Siguradong kitang tanan maoy hubagan dili lang sa gaba ilabina kun mabulilyaso ang nindot nga panglantaw sa kagamhanan.

(Niay abogadong nakautang nga naabtan og tulis sa bangko ay abtik kaayo)

Tulisan: Tulis ni taas inyong kamot

Atty Bitoy: Atty. Buloy naay tulisan.

Atty. Buloy: Bitaw wa gyud tay mahimo ini.

Atty. Bitoy:  Atty. Buloy dawata ni.

Atty. Buloy: Ha! Unsa man ni?

Atty. Bitoy : Ang utang naku nimo na nga 100 tawsan, bayad naku ha bayad naku(Toink!/Aguy!)

Hehehehehehehehehehehehehehehe!

(emailad: [email protected].)