Sa Kasaysayan Karon

Hunyo 26

 1928—Natawo ang kinadaghanan og naimbento sa tanang imbentor sa kasaysayan sa tawo nga mao si Yoshiro Nakamats. Si Nakamats nga usa ka Hapones nakaimbento ug nakapa-patent sa kapin 3,000 niya ka mga imbensyon. Siya maoy nakaimbento sa floppy disk (dihang wala pay mga compact disc (CD) sa computers) niadtong 1950 sa Imperal University of Tokyo. Tungod sa wala pagtagad kaniya sa unom ka mga Japanese computer corporations sa iyang floppy disk iyaha kining gibaligya sa IBM. Lakip sa mga imbensyon ni Dr. Nakamats naglakip sa CD ug digital watch ug uban pa. Ang sunod nga dunay labing daghang imbensyon mao si Thomas Alva Edison nga dunay 1,093 ka imbensyon.

 1898—Gipanganak ang imbentor sa labing unang makalupad nga fighter jets nga gihimong basehan karon sa tanang fighter jets sa matag armadong kusog sa mga kanasuran. Ang German aircraft engineer ug designer nga si Frankfurt-am-Main Messerschmitt mao ang unang nakaimbento sa malampusong Me 262 fighter jets nga gigamit sa Germany sa paghinapos sa ikaduhang kalibutanong gubat niadtong 1944.

 1498—Unsay imong bation kung ang balahibo sa baboy masulod sa imong baba ug inudnod sa imong mga lagos ug ngipon. Kini maoy sinugdanan sa karon malampusong dagway sa toothbrush. Niadtong June 26, 1948 giingong naimbento sa mga Intsik ang labing unang toothbrush nga migamit og balahibo sa tangkugo sa mga baboy nga gikan sa mga bugnaw’ng rehiyon sa China ug Russia. Ang mga baboy didto giingong dagko ug tuskig ang lugas sa balahibo maong nahunahunaan kining itugsok sa lapis sa kawayan ug maoy gihimong panglimpyo sa ngipon. Imagine ang ilang emperador kaniadto nag-toothbrush og balahibo sa baboy! Sa wala pa kini maimbento ang mga karaang tawo manglimpyo sa ngipon pinaagi sa pag-usap og mga kahoy dala ang pagbagnos niini, sama sa paggamit sa udlot sa bayabas o ba kaha sa balas nga ihinis sa ngipon.