CEBU, Philippines - Buksan na alang sa publiko sa ika-duhang semana sa Hulyo 2012 ang nabantug na kaayo nga barbecuehan sa syudad sa Sugbo nga mao ang Larsian sa Fuente rutonda.
Kini sumala ni Mac Azarcon , ang presidente sa Larsian Stallholders Association nga nahinabi sa mga sakop sa media human sa ilang tigom sa buhatan ni Governor Gwendolyn Garcia uban ang duha ka mga contractor sa Larsian sa miaging buntag.
Matud ni Azarcon nga 90 porsyento na ang nahuman sa maong proyekto nga gipadagan sa Kapitolyo.
Hinuon miingon si Azarcon nga magkita pa sila pag-usab uban sa gobernador sa Hulyo 3, 2012 aron tukion ang mga bag-ong lagda ug kasabotan nga ipatuman sa bag-ong Larsian sa Fuente rotunda.
Gitug-an usab ni Azarcon nga inig-abli unya sa bag-ong Larsian, makita na sa publiko ang Charcoal Briquettes, matang sa uling nga walay anuos.
Daan nang gipahibawo ngadto sa publiko nga sa uling nga naandang gigamit karon sa pagpanugba o kaha pag-barbecue ilang gigamit sa pagluto sa ilang mga barbeque maoy makamugna og sakit nga CANCER ug eco- friendly usab kini. BANAT NEWS