Kamatayon sa Briton way foul play

CEBU, Philippines - Walay foul play ang kamatayon sa usa ka British national nga napalgang patay sulod sa iyang sakyanan diha sa basement two sa Ayala Center niadtong Lunes sa buntag.

Kini base sa resulta sa awtopsiya sa PNP Medico Legal nga si Dr. Joe Martin Fuentes sa patay’ng lawas sa 51-anyos nga si John Christopher Hayes nga consultant sa usa ka pabrika sa sikat nga relo diha sa dakbayan sa Lapulapu. Sumala pa sa autopsy report sakit sa kasingkasing ug deperensiya sa baga o myocardial infraction with severe pneumonia ang gikamatyan ni Hayes.

 “In short namatay to siya (biktima) sa heart ug lung failure na, unya may severe pneumonia, inatake siya sa heart tapos nagkaroon pa siya ng pneumonia,” asoy pang Fuentes.

“Ang lungs niya ay barado na tungod sa plema, paano dadaan ang hangin kung puno na? Hindi na normal yan, may sakit siya sa heart plus mayroong sever pneumonia doon bumigay na,” pasabot pa ni Fuentes.

Si SPO1 Victor Ruel Ayuman, imbestigador sa Homicide Section nga nahinabi sa Banat News nagkanayon nga posibleng nakadugang niini ang minus kaayo nga hangin sa basement ug grabe ang exhaust sa aircon ug diha pa gyud sa sulod sa iyang sakyanan si Hayes niadtong higayona. (BANAT NEWS)