16-anyos gipatay sulod sa sam-ang sa Liloan

CEBU, Philippines - Patay nang napalgan sa mga molupyo ang patay’ng lawas sa 16-anyos nga batan-ong lalaki sulod sa sam-ang nga dunay mga samad pinusilan ug dinunggaban sa lawas ug sa nawong diha sa barangay Calero sa lungsod sa Liloan niadtong Domingo sa alas 6:15 sa buntag.

Ang biktima nagpuyo sa sitio Lamac sa barangay Calero sa maong lungsod. Hinuon gitumbok nga suspek sa maong krimen ang usa ka Julito Estero Lastima, alyas Kublan, 43, nga nagpuyo sa maong lugar.

Matud ni PO3 Renato Pendo ang desk officer sa Liloan Police dihang nahinabi sa Banat News ang biktima kauban sa suspek ug mga barkada niini nga sila si Diosdado Alcontin, Jonathan De Gracia ug Marjon Marabuera nag-inom kini sa tindahan sa usa ka Virgie Monisit sa atubangang bahin sa maong sam-ang. Tungatunga sa panaginom nagkalalis ang suspek ug Matod pa samtang sila nag-inom nagkalalis ang suspek ug si Alcontin hinungdan nga gibadlong kini sa biktima.

Apan wala mopatuo ang duha hinungdan nga gibadlong kini sa tag-iya sa tindahan maong nanglakaw ang suspek, si Alcontin ug ang biktima   nanulod sa sementeryo ug didto gipadayon ang lalis.

Pagkasayong buntag kagahapon nadiskubrehan nalang ang biktima nga patay na ug nakaangkon og samad pinusilan ug dinunggaban sa lawas ug nawong. Gumikan niini gisubay sa kapolisan ang tanang mga kauban nianang gabhiuna apan bugtong si Lastima lang ang wala na sa ilang panimalay. Nakakuha usab ang kapolisan og usa ka sinina nga nagkadugo ug usa ka basiyo sa kalibre .38 sa gipuy-an ni Lastima hinungdan nga mitumaw ang pagduda nga si Lastima ang mipusil patay sa biktimia sa. (BANAT NEWS)