CEBU, Philippines - Mohatag og hinabang ang lalawigan sa Sugbo ngadto sa mga nabiktima sa bagyong Butchoy sa tulo ka probinsiya sa Mindanao.
Gimandoan ni Gob. Gwendolyn Garcia si Provincial Social Welfare and Development Officer Marivic Garces sa pagtino sa report sa tagsatagsa ka probinsiya aron masuta kung unsay matabang sa Kapitolyo sa Sugbo. Matud pa ni Garcia nga sinakong bugas humay ug kwarta ang ihinabang sa Sugbo sa mga probinsiya sa Saranggani, South Cotabato ug Sultan Kudarat.
Sunod semana, nagtinguha si Garcia nga mobisita sa nahisgutang mga probinsiya aron ihatud ang hinabang pinansiyal.
Samtang ang mga sinakong bugas adto ra kuhaon sa tagsatagsa ka bodega sa National Food Authority sa maong mga lugar ug bayaran sa Probinsiya sa Sugbo. (BANAT NEWS)