Gumikan sa nerbyos tresurera naghikog

CEBU, Philippines - Gumikan sa sakit nga nerbyos naghikog ang tresurera sa barangay Tigbao sa lungsod sa Badian didto sa gipuy-an niyang payag sa maong barangay niadtong Martes sa alas 11:00 sa buntag.

Ang nagpakamatay mao si Carmelita Baltazar Pandoro, 62, dalaga, ug tresurera sa maong barangay.

Si SPO1 Jeremias Elardo sa Badian Police Station mibutyag sa Banat News nga si Rene Pamaybay, 43,   manghod sa naghikog maoy nakadiskobri   sa naulahi nga nagluhod nga wala nay kinabuhi sulod sa gipuy-ang payag niini kansang liog gihiktan og pisi nga ang tumoy gigaid sa sagbayan sa balay.

Sa gihimong pagsukitsukit sa kapolisan sa mga kabanay niini nasayran nga ang maong tresurera nakasinati og nervous breakdown nga maoy gituohang hinungdan sa iyang pagpakamatay. (BANAT NEWS)