CEBU, Philippines - Gipangita na karon sa kapolisan sila si Jimmy Abendan ug George Casas, pulos hingkod ,nga taga Candulawan, Talisay kinsa maoy mipatay ug miangol sa duha ka security guard sa Santa Lucia subdivision sa maong lugar sa miaging adlaw.
Bisan wala pa sila madakpi, apan mibahad ang kapolisan sa Talisay nga pasakaan na sila og kiha sa korte human nila dunggaba patay si Alejandro Masellones ug miluba angol kang Joel Pareja niadtong miaging Huwebes.
Si Pareja nakagawas na sa tambalanan ug maoy mitug-an ngadto sa kapolisan sa mga ngalan sa mga kriminal.
Gituohan sa kapolisan nga madakpan sa dili madugay ang mga suspetsado.
(BANAT NEWS)