Tungod sa problema duha naghikog

CEBU, Philippines - Tungod sa problema naghikog sa ilang kaugalingon ang usa ka amahan   kansang anak wa motiwas pagtungha kay nagminyo ug usa   usab ka inahan kinsa naguol sa iyang utang.

Si Ruperto Bulano, 50, nga taga Tabok, Mandaue nagbitay sa punoan sa lubi kagahapon sa buntag sa kaguol nga ang anak niyang babaye nga gipaeskuyla niya og nursing nagminyo. 

Samtang si Theresa Cabusas Ebonalo, 39, minyo nga taga Tapla, Sudlon ning dakbayan naghikog usab sulod sa ilang balay sa miaging buntag tungod sa utang niya nga wa kabayri.

Ang kapolisan sa dakbayan sa Mandaue ug Cebu mipaubos sa autopsy sa mga lawas patay sa mga naghikog pagsiguro nga walay foul play nga nahitabo sa ilang kamatayon.(/WC)(BANAT NEWS)