CEBU, Philippines - Ang mga kriminal nga miluba patay sa usa ka gwardiya ug miangol sa laing gwardiya sa miaging adlaw nakalayas na, matud ni SPO1 Mikie Espina sa Talisay City Police Station.
Ang kasayoran bahin sa mga kriminal nasayran pinaagi sa suwat nga gibilin ni Alejandro Masellones, security guard sa NIMA Security Agency una kini makabsi sa kinabuhi nga nagbutyag sa ngalan sa duha ka mamumuno lakip sa plate number sa ilang sakyanan.
Ang kauban ni Masellones nga si Joel Pareja nagpabilin pa sa tambalanan tungod kay naguba usab ang nawong niini agi sa gahing butang nga gibunal kaniya gawas sa mga samad dinunggaban sa iyang lawas.
Ang mga biktima nadestino sa Santa Lucia Subdivision sa barangay Candulawan, dakbayan sa Talisay.
Matud ni Espina nga ang duha ka mga mamumuno mga molupyo usab sa maong dapit ug nakaikyas na.
Ang duha giingong pulos mga estambay sa ilang lugar ug giingong mga badlongon ug gani ang usa kanila kanunay kunong gikalalis ni Masellones tungod kay masuko og badlongon bahin sa kasipa sa iyang stereo sa iyang sakyanan kung mosulod na kini sa subdivision busa kanunay nga gireklamo sa mga molupyo sa maong lugar.
Si Espina nagkanayon nga bisitahon nila ang mga paryente ni Masellones , ug bisan si Pareja ila usab nga duawon sa tambalanan aron makaluwat na kini og affidavit nga basehan sa kiha nga ipasaka ngadto sa korte batok sa mga suspetsado karong Lunes. (/WC) (BANAT NEWS)