P10mil nga hinabang sa batang napusilan gihatag

CEBU, Philippines - Pormal nang gitunol kagahapon sa buntag sa mga opisyal sa barangay Pasil ning dakbayan sa Sugbo ang P10 mil nga hinabang pinansiyal ngadto sa 13 anyos nga napusilan sa   11 anyos nga iyang silingan sa miaging semana.

Si Pasil Barangay Captain Jocelyn Almacin uban sa iyang mga konsehal maoy mihatod  sa maong salapi ngadto sa mga ginikanan sa biktima didto sa barangay hall sa Pasil.

Si Konsehal Carlito Tantan Sabalones Jr, Chairman sa Committee on Laws and Peace and Order maoy nangamahan sa resolusyon nga naggahin og P10 mil nga   hinabang pinansyal ngadto sa biktima kinsa nalandig sa Cebu City Medical Center human kini mapusili.

Matud ni Sabalones nasabotan nila ang paghatag og hinabang sa biktima tungod sa kakabus sa kahimtang sa pagpuyo niini.

Hinuon ang 11 anyos nga suspek anaa na karon sa Department of Social Welfare and Development (DSWD).    - BANAT NEWS