LGU sa CV nakadawat og award

CEBU, Philippines - Ang Department of Interior and Local Government (DILG) mipanghingusog sa ilang kampanya sa paghatag og ganti nga Seal of Good Housekeeping (SGH) award sa tanang mga local government unit (LGU) nga malampuson sa ilang mga proyekto nga may labot sa pagpangandam sa panahon sa mga katalagman.

Matud pa ni Kalihim Jesse Robredo sa iyang pagduaw sa dakbayan sa Mandaue sa miaging adlaw nga dinhi sa Central Visayas, 30 ka LGU sa lalawigan sa Sugbo ang nakadawat sa maong award, 30 usab sa Bohol, samtang 15 sa Negros Oriental.

Usa sa mga nahatagan og plaque dinhi sa Sugbo mao ang dakbayan sa Mandaue. Si Robredo mismo maoy mitunol sa maong plaque ngadto kang Mayor Jonas Cortes atol sa pagbansaybansay sa Tapatan on Disaster Preparedness and Climate Change Adaptation: A Call to Action dinhi sa Sugbo nga gisalmotan sa kapin sa 500 ka mga LGU sa tibuok rehiyon 7. Nakuha sa   syudad sa Mandaue ang maong award ubos sa highly urbanized city category. (BANAT NEWS)