CEBU, Philippines - 1971—Gihimo ang inaugural session sa 1971 Constitutional Convention. Una niini gipatawag ang Constitutional Convention niadtong 1970 diin 320 ka delegado ang napili. Tuyo niini mao ang pag-usab sa kasamtangang Konstitusyon kanidto sa Pilipinas nga ginama niadtong Commonwealth of the Philippines. Lakip sa mga politikong naapil sa ConCon mao sila si Aquilino Pimentel, Jr., Napoleon Rama, Jose Concepcion Jr., Margarito Teves, Ramon Mitra, Jr., Richard J. Gordon ug uban pa.
1845 – Malampusong nakompleto sa usa ka Homing pigeon (usa ka matang sa kalapati) ang 11,000 kilometrong paglupad gikan sa nasud sa Namibia padulong sa London sa Britanya nga milanat og 55 ka adlaw.
1907—Natawo si Sir Frank Whittle nga usa ka English aviation engineer ug piloto kinsa usa sa mga nag-una sa natad sa jet propulsion o paggamit og makina nga jet nga ang tuyo palabwan ang kapabilidad sa kaniadto kasamtangang abyon nga migamit og piston engine. Siya maoy utok sa labing unang jet fighter sa Britanya nga Gloster Meteor sa Royal Air Force nga migamit sa gidesinyo niyang makina nga Gloster-Whittle E.28/39. Ang Gloster Meteor fighter jet makalupad og 200-mph nga mas paspas sa nag-unang fighter planes sa UK nga Spitfires ug Hurricanes. (BANAT NEWS)