HLI nabalaka kun kinsay ipuli kang Corona

CEBU, Philippines - Gikabalak-an sa grupong Human Life International (HLI) nga kung matangtang si Supreme Court Chief Justice si Renato Corona sa desisyon sa impeachment court karong adlawa ang mabutang hulip kaniya kadtong mahistrado na usab nga pabor sa administrasyong Aquino.

Partikular sa gikabalak-an ni Bullecer nga kun maabot unya ang isyu nila kabahin sa Reproductive Health Bill nga kusganon nilang gibabagan apan dayag nga gipaboran sa administrasyon ang pipila ka probisyon niini, madiktahan unya ang hulip ni Corona.

Matud pa ni Dr. Rene Josef Bullecer sa HLI, tungod kay ang Malacañang man maoy mopili og ihulip kang Corona duna silay pagduhaduhang posibleng kadtong tawong hulip kaniya dili independente gikan sa impluwensya sa Malacañang. (BANAT NEWS)