CEBU, Philippines - Human mopagawas og kamanduan ang Land Transportation Franchising and Regulatory Board kalabot sa minimum nga pletihan sa lalawigan sa Sugbo nga P7.50 , usa ka resolution ang giduso ni 6th district board member Arleigh Jay Sitoy nga nag-awhag sa mga Public Utility Vehicle operator sa estrikto nga pagpatuman sa nahisgutang minimum nga pletihan.
Ang nahisgutang resolution giuyonan usab dayon sa kinatibuk-ang miyembro sa Sangguniang Panlalawigan human makita ang kaayohan sa maong resolution.
Kahinumdoman nga unang gimando sa LTFRB ang P.50 nga provisional fare increase apan gibawi lang usab kini dayon gumikan sa mga pagsupak nga sa mga sumasakay.
Sa nasayran nga giduso ni 6th district board member Arleigh Jay Sitoy nagmando usab sa mga drayber sa pagsukli og tinarong ngadto sa mga pasahero nga mohatag og labaw sa P7.50. - BANAT NEWS