Pnoy ug Barack magtigom

CEBU, Philippines - Gikatakdang personal nga dawaton ni US President Barack Obama si Presidente Benigno Aquino III sa pagbisita sa naulahi karong sunod bulan sumala pa sa White House, kini samtang ang US nangusog sa ilang suporta sa Pilipinas nga gikasungi karon sa China.

Si Obama gipaabot nga makig-estorya kang Aquino sa White House karong Hunyo 8, nga gihulagway nga timailhang nagkalig-on ang alyansa sa duha ka mga nasud sunod sa unang pagbisita sa mga opisyales sa Pilipinas sa mga opisyales sa Amerika niadtong Abril.

"The Philippines is a long-standing friend and ally of the United States, and the president looks forward to discussing with President Aquino the close strategic, economic and people to people ties between our two countries, and our cooperation in the Asia-Pacific region," sumala pa sa pamahayag sa White House sa report sa ABS-CBN News.com.

"The two leaders will also discuss ways to deepen bilateral cooperation."

Kahinumdoman nga ang administrasyong Obama mipokus sa ilang atensyon sa Southeast Asia pinaagi sa kooperasyon sa negosyo sa mga kanasuran niini nga diin ang pipila gikabikil sa China tungod sa isyung pagpangilog og teritoryo sa China diha sa West Philippine Sea. (BANAT NEWS)