Road widening sa N. Bacalso, Naga ug Carcar

CEBU, Philippines - Gipaabot nga makasinati og bug-at nga dagan sa trapiko sa ubang kadalanan nga konektado sa Natalio Bacalso Avenue paingon ngadto sa habagatang bahin tungod sa road widening nga himuon sa Department of Public Works and Highways (DPWH) 7.

Si Information Officer Marie Mignon sa DPWH-7 miingon nga adunay road widening sa N. Bacalso Avenue, ingon man sa highway sa Naga City ug Carcar City nga gisugdan kagahapon nga mahuman sa Disyembre ning tuiga.

Dugang pa usab niya nga sa road widening sa Naga ug Carcar mananghid pa sila sa Department of Environment and Natural Resources (DENR) tungod kay dunay kinahanglang pamutlon nga mga kahoy.

Tungod niini adunay ipamutang nga signages aron magiyahan ang mga motorista ug aron malikay sa aksidente ug sa kaaberya tungod unya sa mga dagkong trak nga magtrabaho sa maong proyekto. BANAT NEWS