Abo sa carbon paliton sa CEMEX

CEBU, Philippines - Gipasalig sa kompaniya nga CEMEX nga sila’y mopalit sa abo sa carbon gikan sa planta sa Salcon Power Corporation sa dakbayan sa Naga.

Ang maong pasalig gihimo sa Cemex President ug Chief Executive Officer Pedro Palomino sa ilang panagtagbo ni Gobernador Gwendolyn Garcia.

Matud ni Palomino nga ilang tun-an ang kalidad sa nahisgutan nga mga abo ug biya nga butang nga puwede pang mahimo aron isagol sa semento.

Samtang naikag si Palomino sa pagpatuman og programa nga gitawag og Waste To Energy Project nga ipatuman sa Kapitolyo sa dili madugay aron mapahimuslan pa ang mga basura.

Andam usab ang buhatan ni Palomino sa pagpakigtambayayong sa Kapitolyo sa pagpangayo sa kadalanan sa kabarangayan sa probinsiya.

Matud niya nga kini maoy usa sa labing mahinungdanong serbisyo nga gikinahanglan kaayo sa mga motorista ug sa mga sumasakay sa tibuok lalawigan. BANAT NEWS