DTI mobansay sa magnegosyo

CEBU, Philippines - Ang Department of Trade and Industry (DTI) 7 mopasiugda og libreng seminar karong umaabot Mayo 24 ning tuiga alang niadtong gustong magtukod og kaugalingong negosyo.

Kining upat ka oras nga Enterprise Development Seminar (EDS) alang sa micro, gamay ug medium nga patigayon magtudlo sa mga stratehiya sa pangnegosyo aron magiyahan ang mga mosugod pa lang sa pagtukod og kaugalingong negosyo o kadtong mga nangambisyon pagkat-on sa pagpalambo sa negosyo.

Si Aristotle Cabagnat, Trade and Industry Development Specialist sa DTI nagkanayon nga 30-35 ka tawo ang ilang dawaton.

Ang Small and Medium Enterprises (SMEs) nga naglangkob sa 90 porsiyento sa kinatibuk-ang puwersa sa patigayon sa nasud nakatampo sa nasudnong ekonomiya pinaagi sa paghatag og dakong luna sa pangimpleyo.

Ang nasudnong panggobiyerno gitakda nga moumol og dugang magpapatigayon alang sa pagpadas-og sa nasudnong ekonomiya nga mabaid pag-ayo sa DTI pinaagi sa ihatag niining   nagkadaiyang seminar alang sa pagpalig-on sa pamuhonang lokal o negosyo nga padaganon lamang dinhi sa nasud.

Gisugdan na paghatag og libreng seminar ang mga gustong magtukod og negosyo didto sa Manila nga gilusad sa Small and Medium Enterprise Development sa DTI (DTI-BMSMED).   (BANAT NEWS)