Kolektor sa bangko gitulis

CEBU, Philippines - Nabiktima sa pagpanulis ang kolektor sa Fairbank Bogo Branch sa duha ka armadong lalaki diha sa sitio Japitan, barangay Don Pedro Bogo City niadtong Miyerkules sa hapon. Ang biktima mao si Jovannie Senangote Luga, 23. Duha ka mga lalaking armado og pusil ug sundang ang gitumbok nga responsabli sa krimen ug mikuha sa P17 mil nga koleksiyon sa biktima. Matud ni Chief Insp. Ceferino Tabay Jr., hepe sa Bogo City Police dihang nahinabi sa Banat News nagpakaaron-ingnong nangumpay ang mga tulisan ug dihang duol na ang biktima gitionan kini og armas, sa kahadlok ni Luga miambak kini sa motor ug midagan. Gipugos og abli sa mga tulisan ang U-Box sa motorsiklo ug nakuha ang maong kwarta dayon miikyas.