CEBU, Philippines - Nakaginhawa ang kapin 70 ka pamilya sa tulo ka mga sitio sa Barangay Luz ning dakbayan human gipaminaw ang apelar sa dakbayan nga hatagan og panahon ang mga dakbayan nga maka-negosasyon mopalit sa maong mga luna.
Ang siyudad sa Sugbo nagtinguhang dili gyud mabalhin ang mga apektadong pamilya sanglit ‘relocation site’ naman kini. Nasuta nga ang rason nga papahawaon ang mga residente tungod sa wala nila paghikotar sa balayrunon nila sa gobiyerno sa maong luna pinaagi sa Community Mortgage Program.
Usa ka lumulopyo sa maong dapit mipadayag nga ilang hingusgan ang ilang hangyo sa siyudad sa Sugbo nga himoon na lang kini nga ‘on site relocation’ ug dili na kinahanglan nga ipahimutang sila sa laing dapit sanglit sa maong lugar na ang tinubdan sa ilang panginabuhi.
Ang Division for the Welfare of the Urban Poor (DWUP) gikatakdang makigtigom sa mga residente aron mohulma og mga lakang aron kapugngan ang demolisyon nga unta kagahapon pa gihimo.
Kahinumdoman nga niadto pang buwan sa Marso gipahibalo sa korte ang mga residente kalabot sa maong demolisyon. (BANAT NEWS)