Sonny O mipaila sa lineup

CEBU, Philippines - Giklaro na ni kanhi senador John Henry “Sonny” Osmeña nga modagan siya pagka-mayor sa dakbayan sa Toledo ug dili na pagkakongresista sa ikatulong distrito.

Ubos kaniya nga modagan sa pagka-bise mayor mao si kanhi Kong. Antonio Yapha Jr. bisan dili pa kompleto, gibutyag ni Osmeña ang iyang mga kandidato pagka-konsehal nga sila si Zosimo Abellanosa, Ricardo Rafols Jr., Pedrito Basadre, Teresito Largo ug Merly Abad.

Matud pa ni Osmeña nga ilang pugngan pag-ayo ang dakbayan sa Toledo gumikan sa kadako niini. Ila usab itugyan kang Liberal Party provincial chairman Hilario Davide III ang ikatulong distrito.

Si Osmeña ug Davide nga kauban sa LP dili maayo ang relasyon sa pagkakaron gumikan sa giingong kapakyas sa LP pagtagad sa iyang reklamo nga mapalagpot ang tresurera sa dakbayan sa Toledo nga si Eleuteria Alvez. Gregg M. Rubio/EIM) (BANAT)