Sa Kasaysayan Ni Edwin Ian Melecio

— Si Manuel Luiz Quezon natudlong Junior Resident Commissioner sa Washington, USA gikan 1909-1916 diin siya nailhang romantikong mosayaw, playboy diplomat, ug banggiitang lobbyist.  Siya maoy nahimong instrumento nga narebisa ang usa ka balaod sa Amerika aron ang mga Filipino makatukod ang Philippine Commission, nga nahimong labaw’ng tagdumala sa Pilipinas. Niadtong  Pebrero 1916  usa siya sa misuwat sa Jones Act, nga naghatag sa mga Filipino og gahom nga makahimo og kaugalingong balaod nga haom sa mga Filipino. Si Quezon (1878-1944) mao usab ang labing unang nahimong presidente sa Commonwealth of the Philippines ug maoy nagpreparar sa tanan alang sa Philippine independence niadtong 1946.

1796 — Unang nagamit ang bakuna kontra sa sakit nga smallpox. Ang doktor sa England nga si Edward Jenner unang mihatag og bakuna sa 8-anyos nga si  James Phipps , gamit ang gikiskis nga hubag sa nagsakit og cowpox nga babayeng si Sarah Nelmes. Pipila ka semana ang nakalabay gisusi ni Jenner kung epektibo ba ang iyang bakuna pinaagi sa paghatag og kagaw sa smallpox sa maong bata ug migawas nga mas mitaas ang resistensya sa bata batok sa maong sakit. Tungod sa maong bag-ong nadiskubrehan mikatap kini sa kalibotan sa mga siyentipiko ug diha gibase ang tanang pamaagi paghimo og bakuna kontra sa mga sakit.

1918—Gipanganak ang Amerkanong surgeon nga si James Daniel Hardy kinsa maoy nangulo sa grupo sa mga doktor nga misuway sa labing unang lung transplant niadtong 1963;  siya gihapon ang responsable sa labing unang animal-to-human heart transplant (1964); double-lung transplant diin wala tangtanga ang karaang kasingkasing niadtong 1987.