PJ Garcia nagpaila na

CEBU, Philippines - Nisugod na paglibot si Kong. Pablo John “PJ” Garcia sa ubang lungsod sa lalawigan sa Sugbo gawas sa iyang distrito human sa iyang pahibawo nga modagan siya pagka-gobernador sa umaabot eleksiyon.

Si PJ nakig-uban sa iyang igsuon, Gob. Gwendolyn “Gwen” Garcia, ug amahan nga si Deputy Speaker Pablo “Pabling” Garcia sa kalihukan sa lungsod sa Oslob ug Sibonga niadtong Sabado diin gipaila si  PJ nga sunod gobernador sa lalawigan sa Sugbo. Gipadayag ni PJ nga kinahanglang mapadayon ang mga programa sa iyang igsoon sama sa pagpalambo sa kultura ug kabilin. Matud pa usab ni Gwen nga si PJ sumusunod gyud sa iyang amahan gawas nga pareho sila og pangalan, pareho usab silang nanag-una sa pasulit sa abogasiya.

Si Pabling nagpapili pagka-gobernador samtang ikaduha pa ang iyang termino sa pagka-kongresista sa ikatulong distrito ug sama usab si PJ karon nga anaa pa sa iyang ikaduhang termino. BANAT NEWS