Buy-bust sa Argao usa nadakpan
CEBU, Philippines - Usa ka gipasanginlang drug pusher ang nasikop sa kapolisan sa Argao atol sa buy-bust operation niadtong Mayo 12, pasado alas 5 sa hapon.
Ang suspek giilang si Joel Miñoza, 58, nga taga barangay Talaga sa maong lungsod human kini mibaligya og shabu ngadto sa usa ka poseur buyer nga polis diha sa sitio Tiko sa barangay Bogo.
Ang kapolisan sa Argao nakadawat og impormasyon kabahin sa ilegal nga operasyon sa suspek sa maong dapit hinungdan sa gihimong buy-bust operation pinangulohan ni Chief Insp. Alejandro Batobalonos ug SPO1 Arnold Abiner ug ubang mga sakop.
Human kini masikop nakuha kaniya ang 13 ka paketeng shabu gikan sa iyang bulsa ingon man ang P500 nga marked money sa kapolisan.
Ang suspek gipasakaan og kasong kalapasan sa Section 5 ug Section 11 sa R.A. 9165 kon Comprehensive Dangerous Drug Act of 2002. BANAT NEWS
- Latest
- Trending
