Kaso sa gibaligyang anak gisusi

CEBU, Philippines - Gisusi na  sa Provincial Council for the Welfare of the Children (PCWC) ang kaso bahin  sa usa  ka  bata  nga  gibaligya sa iyang kaugalingong amahan ngadto  sa usa  ka magtiayon sa lungsod sa Compostela  sa miaging  adlaw.

Matud pa ni Vice Governor Agnes Magpale, kinsa  usa  sa  mga  opisyal sa PCWC nga gipangunayan niya pagsuta  ang  kamatuoran  sa maong  report  nga  iyang  nadawat kalabot  niini.

Matud pa  ni  Magpale  nga adto nila ibutang ang maong  bata  sa   accredited center sa Department of Social Welfare and Development Office.

Ang PCWC maoy  nagbantay  sa  kahimtang  sa kabataan  kun  maayo  ba  ang  pag-atiman  niini  sa iyang  mga  ginikanan.

Sa miaging  adlaw  gidakop  sa kapolisan sa Compostela  ang  usa  ka amahan  kansang ngalan  wala  ibutyag human  mosumbong  ang  usa ka magtiayon  nga  maoy  gibaligyaan niya sa iyang  anak.

Matud  pa  sa magtiayon  nga gihagad   og P500 sa suspetsado ang  iyang  dos anyos anak.

Ang  suspetsado gibalhog  dayon  sa prisohan. - BANAT NEWS