Court sheriff may death threats

CEBU, Philippines - Nakadawat og mga hulga pinaagi sa text ang court sheriff nga gitahasang maoy mopatuman sa demolisyon sa kabalayan sa kapin sa 160 ka pamilya diha sa sitio San Miguel sa Barangay Apas ning dakbayan.

Ang court sheriff nga si Elcid Caballes mibutyag sa mga tigbalita nga nakadawat siya og hulgang ‘buk-an siya og ulo’ kung madayon ang demolisyon.

Gikatakdang ipahigayon ang demolisyon karong Mayo 7 nga kusganong gisupak sa mga residente ug nagtukmod sa mga opisyales sa dakbayan sa Sugbu lakip na niadtong dunay ambisyong modagan sa 2013 elections nga motabang sa mga apektadong pamilya.

Gikatakda unta kagahapon nga tukion ang mosyon sa Solicitor General kabahin sa gitakdang demolisyon kagahapon sa buntag apan gibasura ang maong mosyon sa korte. (BANAT NEWS)