Allowances sa scholars sa barangay na ipaagi

CEBU, Philippines - Gitinguha ni Mayor Michael Rama nga sa matag barangay na ang moapod sa financial assistance alang sa mga scholars sa siyudad sa Sugbo aron mas madali ang paghatag niini sama sa gibuhat nila alang sa mga senior citizen.

Matud pa sa mayor nga mas maayo kini tungod kay dili na mahasol pa ang mga scholar sa pag-adto sa City Hall ug dili na magkinahanglan pang mamelite ang mga bata ilabi na niadtong nagpuyo sa layong barangay. Gawas sa financial assistance alang sa mga scholars, nagplano usab siya nga ingon niini usab ang pamaagi sa sunod nga paghatag og financial assistance alang sa mga opisyales sa barangay.

Hinuon malinawon ang pag-apod apod sa mga financial assistance sa mga opisyales sa barangay kagahapon sa Mariners Court diha dapit sa Pier Uno.

Ang mga konsehal nakadawat og P3,000 samtang ang kapitan makadawat og P5,000 matag buwan. Nagkanayon si Rama nga ang tanan makadawat gyud niini ug wala kini sagol pamolitika gani wala siya magsuot sa iyang unipormeng may nakaprintang Team Rama. - BANAT NEWS