CEBU, Philippines - Nangandam ang kampo sa Saint Theresa’s College (STC) sa posibleng pagsang-at og kasong child abuse batok sa mga ginikanan sa mga tinun-ang mipasaka og kasong injunction and damages sa tunghaan.
Sa pakighinabi sa mga tigbalita mibutyag si Atty. Joan Largo nga ila gyud ipadayon pagsang-at ang kasong Child Abuse o kalapasan sa RA 7610 batok sa mga ginikanan sa mga tinun-an.
“Kung atong basahon ang RA 7610, ang mga nikiha gyud sa STC ang ni-fit in didto kay ila man gyud untang responsibilidad to make sure that their children will not live an immoral life,” pasabot pa ni Largo.
Giklaro usab ni Largo nga walay labot sa ilang pagsang-at og kaso ang original complainant sanglit aduna naman silay compromised agreement diin ang kampo sa mga tinun-an dili na mopadayon sa kaso.
Sa laing bahin, ang kampo usab sa STC andam mo-file og motion for partial reconsideration sa korte tungod sa pag-inhibit sa family court pag-handle sa maong kaso tungod kay civil case kini.
Apan si Largo miingon nga walay hurisdiksyon ang family court, kinahanglang adto kini husaya sa maong korte tungod kay mga menor ang nalambigit niini.
Matud pa ni Largo buot nilang ang family court ang mokupot sa maong kaso aron usab maprotektahan ang interes sa mga tinun-an ug dili kini maabusaran.
“The photographs are of such kind that we do not want to be circulated. And we want to keep the confidentiality of those photos since it envolves minor age students,” pasabot pa ni Largo.
“ STC has the obligation to enforce rules and regulations with compassion,” pasabot pa ni Largo.
Giklaro usab niyang wala na kinahanglana pang usbon sa STC ang ilang student handbook sanglit nagtuo silang husto kini. (BANATNEWS)