Ulo ni Ecleo butangan og 'Patong'

CEBU, Philippines - Nasagmuyo si Secretary Leila De Lima sa dagan sa operasyon pagdakop kang Philippine Benevolent Missionaries Association Supreme Master Ruben Ecleo Jr. human kini makombikto sa pagpatay sa iyang asawa nga si Alona Bacolod. Matud pa ni De Lima nga nasagmuyo siya sa wala pa gihapon pagkasikop ni Ecleo tungod sa kaidlas niini ug sa kadaghan sa mga sakop nga posibling katagoan.

Apan iyang gihatagan og panahon ang mga sakop sa kapolisan ug law enforcement agencies aron masikop si Ecleo nga kongresista usab sa Dinagat island sa Surigao del Norte. Kung dili gyud kini gihapon madakpan dayon hayan irekomendar niya ang pagbutang og ganti sa makatudlo asa magtago si Ecleo.

Hangtud ning pagsuwat ning balita ang kampo ni Ecleo wala pay gisang-at nga motion for reconsideration sa korte kalabot sa pagkombikto niini. (BANATNEWS)