CEBU, Philippines - Duha ka suspetsadong kawatan nadakpan gumikan sa pagkawat sa usa ka fire extinguisher ug P5 mil nga kuwarta sa nagkalainlaing bahin ning dakbayan sa Sugbo kagahapon.
Ang mga suspetsadong nagkagulkol na karon sa prisohan mao sila si Lorenzo delos Reyes, 40, nga taga Sibonga ug Sammy Leyson, taga Langub, Sirao ning dakbayan sa Sugbo.
Si delos Reyes nadakpan sa security guard dihang mokawat na unta kini sa usa ka fire extinguisher sulod sa Basilica Del Santo Niño kagahapon sa alas 7:00 sa buntag.
Samtang si Leyson gisikop sa kapolisan kay giingong nakakawat og P5 mil gikan sa iyang gitrabahoan. Nagkagulkol na karon ang duha ka suspetsado sa prisohan sa Police Station 2. (BANATNEWS)