Lalaki nabulit sa dinunggaban

CEBU, Philippines - Natusak sa dinunggaban ang usa ka lalaki human kini lubaa sa wala hiilhing kriminal didto sa sitio Perpass, V. Rama, Guadalupe, dakbayan sa Sugbo sa miaging gabii.

Ang biktima mao si Kim Arthur Batal, 32, nga taga V. Rama.

Nasuta sa kapolisan nga naglakaw sa karsada ang biktima dihang gidunggab kini sa makadaghan sa wala hiilhing lalaki.

Dihang nahagba sa yuta ang biktima gibiyaan siya sa kriminal.

Gihatod siya sa iyang kabanay    sa Cebu City Medical Center samtang gipangita pa sa kapolisan ang kriminal. (BANATNEWS)