Kalabira nakuha sa dagat

CEBU, Philippines - Inay isda ang makuha sa pagpanagat diay usa ka mangingisda ang nakakuha og kalabira sa tawo diha sa kadagatan sa barangay Tabunan sa lungsod sa Borbon sa alas 8:00 sa buntag sa nilabay’ng buntag.

Ang kapolisan padayon pa sa pag-ila sa usa ka ulo sa kalabira nga nakuha sa mananagat nga si Ramil Catapatan, 33, taga Poblacion, Borbon.

Matud ni SPO2 Owen Baticuang sa Borbon Police Station dihang nahinabi sa Banat News namana si Catapatan nianang tungora dihang nakit-an niini ang maong kalabira na nga ulo sa tawo nga nagligid-ligid tungod sa lihok sa dagat.

Dali niya kining gikuha ug gi-turnover sa kapulisan kinsa mitunol niini ngadto sa Municipal Health Office.

Ang kapulisan nagtuo hinuon nga posibleng gikan sa sementeryo ug gi-anod sa dagat ang maong kalabira tungod kay ang duha sa sam-ang sa maong lungsod pribado ug pangpubliko sa barangay Cadaruhan pulos naa sa daplin sa dagat ug duha ka kilometro lang diin makit-i ang kalabira. (BANATNEWS)