CEBU, Philippines - Personal nga gitunol nilang Governor Gwendolyn Garcia ug Bise Governor Agnes Magpale ang P4.2 milyones nga financial assistance sa munisipyo sa lungsod sa Carmen.
Kagahapon, si Garcia ug Magpale uban ni Mayor Martin Gerard Villamor gitunol nila ang financial assistance sa 21 ka barangay sa munisipyo sa Carmen.
Apil sa nahisgutang financial assistance mao ang pagtukod o pagpausab sa mga barangay hall, multi-purpose building ug day care centers sa maong mga barangay.
Matud ni Villamor dako kining tabang sa iyang lungsod labaw na sa mga barangay nga nanginahanglan.
Ang 21 ka barangay nga nakadawat og 200 mil mao ang barangay Baring, Canipay, Cantumog, Cantucong, Caurasan, Cogon West, Cogon East, Corte, Dawis Norte, Dawis Sur, Hagnaya, Ipil, Liboron, Lower Natimao-an, Luyang, Poblacion, Puente, Triumfo ug Upper Natimao-an, Sac-on ug Lanipga. (BANATNEWS)