7 ka scout trainees na-heat stroke

CEBU, Philippines - Pito sa 152 ka scout trainees sa Sta. Catalina, Negros Oriental, na-heat stroke samtang nag-jogging didto sa maong lungsod   niadtong Biyernes sa hapon.

Matud ni Chief Superintendent Marcelo T. Garbo, Jr.,hepe sa Regional Police Office (PRO)7 nga naulian hinuon dayon ang lima paglabay sa usa ka oras, ang usa niana nang pagka- gabii, samtang ang usa niana nang pagkasunod buntag.

Si Director Garbo kinsa wala na mohingalan sa mga nabiktima nagkanayon  nga nasuta nga nasugamak sa hilabihang kaluya ang mga biktima malagmit gumikan kay nabag-ohan sa training ug wala kaagwanta sa kainit sa adlaw.

Samtang si Sr. Supt. Ted Caranza sa Negros Oriental Provincial Police Office kinsa maoy mibansay sa mga trainees mipasidaan sa 152 nga gikinahanglang baskog pirme ang ilang lawas aron makapasar sila sa training.

“We are to train them, not to kill them. If they will die, it should be in the field,” matud pa ni Director Garbo. (BANAT NEWS)