Naghikog nakaamong og tawo

CEBU, Philippines - Namatay ang usa ka mananagat nga naigo sa pagtugpa sa usa ka lalaking buot untang maghikog pinaagi sa pag-ambak sa Mactan-Mandaue Bridge alas- 8 pasado ang takna sa maging gabii kinsa maoy nabuhi apan gidakop sa kapolisan.

Ang namatay mao si Danilo Pinote Sison, 59, nagpuyo sa maong dapit samtang gidakop sa mga polis ang nakalingkawas sa kamatayon nga si Aniano Legaspi Berdin, 30, nagpuyo sa Babag II sa maong dakbayan.

Si PO2 Carlos Barluado sa Homicide Section sa kapolisan sa maong dakbayan miingon nga ang kuyog sa biktima nga si Lian Salosco, taga barangay Pajo sa maong dakbayan miasoy nga namana sila sa ubos nga bahin sa maong taytayan dihang kalit may mihagsa sa dagat.

Sunod nga nakita ni Salosco ang suspek nga milangoy palayo apan si Berdin milutaw ug wala nay panimuot, diha niya nasuta nga naigo kini sa pagtugpa sa suspek gikan sa ibabaw sa taytayan.

Si Berdin gidala sa mga sakop sa Emergency Rescue Unit Foundation (ERUF) sa Mactan Doctors Hospital apan gideklarar kini sa mga doktor nga dead on arrival.

Nagtuo si Barluado nga ang kakusog sa impact sa pagtugpa ni Sison gikan sa mokabat 50 ka tiil nga gihabugon sa maong taytayan maoy nakaingon sa grabeng kadaot sa kalawasan sa biktima.

Si Barluado miingon nga si Sison ilang nasayran gikan sa mga sakop sa pamilya niini nga duna kini nervous breakdown ug nataligam-ang milakaw paingon sa maong lugar. (/EIM)