9-anyos nalumos

CEBU, Philippines - Usa ka 9-anyos nga batang babaye ang nalumos samtang nangaligo dagat sa barangay Ibo sa siyudad sa Toledo niadtong Lunes sa alas 3:30 sa hapon. Ang patay nang nadangat sa tambalanan mao si Ana Cris Bejoco, 9, taga sitio Aleth sa barangay Cabitoonan sa siyudad sa Toledo. Matud ni SPO4 Gil Lastimosa dihang nahinabi sa Banat News ang bata gidala sa iyang uyoan ug iyaan nga sila si Jovannie ug Tomasa Basillote sa pagpangaligo sa dagat niadtong higayuna apan samtang nangaligo uban sa mga batang ig-agaw nga anak sa magtiayong Basillote naabot sila sa lawom nga bahin ug nangalumos. Daling gitabang ang duha apan nawad-an na og panimuot si Bejoco dihang nahaw-as sa dagat ug gidala nalang sa tambalanan apan patay na kini. - BANAT NEWS