Sakit nga dengue gibantayan sa Talisay

CEBU, Philippines - Mikabat sa 202 ka kaso sa dengue ang natala sa buhatan sa kasanihan sa dakbayan sa Talisay sa tuig 2011 ug tulo niini ang namatay.

Base sa report sa buhatan ni Konsehal Choy Aznar, committee chairman on health , nasayran nga sa buwan sa Enero sa nahisgutang tuig may 20 ka kaso ang natala, 22 sa Pebrero , nga may usa ang patay, 14 sa Marso, usa usab ang patay, 15 sa Abril , usa usab ang patay.

Sa Mayo may 10 , usa sa Hunyo, 12 sa Hulyo, 14 sa Agosto, Septiyembre 27, samtang 18 sa Oktobre, 25 sa Novembre ug 24 sa Decembre.

Ang barangay Lawaan, San Roque, Tanke ug San Isidro maoy adunay labing daghan nga kaso sa maong balatian.

Ang Lawaan adunay 36 ka kaso, 24 sa San Roque ug Tanke ug 15 sa San Isidro, diin duha niini ang patay.

Ang Cansojong maoy nahimutang sa ika-pito diin mikabat sa 10 kaso, nga namatyan og   usa

Sa tuig 2010 may 449   ka kaso sa dengue sa Talisay nga sugod sa Enero sa maong tuig adunay 34, Pebrero, 40 ,usa niini patay, Marso, 18, Abril, 26 usa patay, Mayo, 12, Hunyo, walo ug usa ang patay, Hulyo 27, Agosto, 69, Septembre, 94, ug duha ang patay, Oktubre, 65, Nobembre, 31 ug 25 sa Decembre ug usa ang patay.

Si Malvin Gelaga sa buhatan ni Aznar nagkanayon nga mga barangay nga adunay taas nga kaso sa dengue maoy ilang gitutokan pag-ayo karon.

Matud ni Gelaga nga kanunay silang nagpahigayon og mga information drive batok sa dengue ug nanghatag usab sila og mga tarpaulin sa mga tunghaan kalabot sa dengue awareness (BANAT NEWS)