CEBU, Philippines - Giangkon ni Presidente Benigno Aquino III nga nabalaka siya og maayo sa report nga adunay parte sa paluparong rocket sa North Korea karong sunod buwan ang posibleng mahagsa sulod sa teritoryo sa Pilipinas.
Sa report sa Associated Press, si Aquino nagtuong ang pangangkon sa komunistang Koreans nga satellite launch usa lamang gyud ka takuban tungod kay ang tinuod niini buot lang niini masuwayan ang range o gilay-ong abton sa ilang missile.
Matud pang Aquino usa kini sa dayag nga paglapas sa U.N. ban nga gipahamtang sa maong nasud kaniadto pa tungod sa grabeng ambisyon sa maong nasud nga makabaton og armas nukleyar.
Ang pamahayag ni Aquino iyang gihimo atubangan sa mga sundalong Filipino nga beterano sa gubat sa Korean War kapin sa 50 ka tuig na ang nakalabay.
Matud pa ni Aquino kinahanglang hunongon sa North Korea ang maong plano.
Ang U.S. military una nang namahayag nga rocket nga paluparon sa North Korea anha ang direksyon sa habagatan nga ang tinuoray nga tumong nga patugpahon kini sa teritoryo sa Pilipinas o ba kaha sa Indonesia.
Ang kalihim sa depensa sa Pilipinas nga si Secretary Voltaire Gazmin nagkanayon nga nagsalig karon ang Pilipinas sa US nga maoy mo-monitor sa maong rocket. (BANATNEWS)