CEBU, Philippines - Ang Cebu Goat and Sheep Raisers Association mopahigayon og general assembly karong Marso 17, 2012, alas 9 sa buntag sa kapilya sa karaang buhatan sa Department of Agriculture, old DA compound sa dalan M. Velez, siyudad sa Sugbo.
Si Ed Durango, bise presidente sa kahugpongan, nagkanayon nga atol sa maong general assembly ipahigayon ang eleksiyon sa mga sakop sa hunta direktiba (board members) ug mga opisyales gikan sa Presidente ngadto sa Press Relations Officer.
Atol sa kalihukan si Joel Elumba sa Department of Agriculture, mohimo og lecture kalabot sa Goat Industry Update.
Alang sa dugang kasayuran, mahimong motawag ug motext sa 0922-4766015 o 0927-5187624. Si Durango mahimong matawagan sa telepono 273-1904 o 272-8616. (BANATNEWS)