Cebu gitay-og og intensity 2 nga linog

CEBU, Philippines - Gitay-og ang Sugbu og intensity 2 nga linog kagahapong adlawa   human sa pagtay-og sa linog sa Mindanao.

Base sa gipagawas nga earthquake bulletin sa Philippine Institute of Volcanology and Seismology (PHIVOLCS) ang maong linog mitay-og sa syudad sa Surigao ug ubang parte sa Mindanao ug Visayas ilabi na ang Sugbo.

Dunay gikusgong intensity 6 ang miigo nga linog sa Surigao City , intensity 5 usab sa General Luna, Surigao del Norte; Basilisa sa Dinagat Island; ug San Ricardo, Southern Leyte.

Intensity 4 usab sa Carrascal, Surigao del Sur samtang intensity 3 Tolosa ug Tacloban in Leyte; Davao City; Bislig City sa Surigao del Sur; Borongan, Oras ug Dolores sa Eastern Samar.

Gawas sa Sugbo gitay-og usab og intensity 2 ang Sulat, Eastern Samar ug intensity 1 sa Hibochiboc ug Camiguin.

Giingong ang epicenter sa maong linog naggikan duha ka kilometros sa amihanang-kasadpang bahin sa Dinagat Island. Wala pa hinuoy na-report atol ning pagsulat sa balita og mga dagkong kadaot nga natala. (BANATNEWS)