Israeli consul mibisita ni Gwen

CEBU, Philippines - Si Israeli Consul Shimon Weinbaum nganhi sa Pilipinas mibisita kang Gobernador Gwendolyn Garcia sa iyang buhatan   sa Kapitolyo sa miaging adlaw. Kauban ni   Consul Weinbaum si Former Ambassador to Israel, Petronila Garcia ug Ambassador Frank Benedicto.

Sa wala pa sugdi ang ilang panagtabi, nagbinayloay sila si Weinbaum ug si Gobernador Garcia og mga gasa.

Unya gipadangat ni Weinbaum ngadto sa gobernador ang iyang tinguha sa pagbukas og negosyo dinhi sa Sugbo.

Samtang gisaysay usab sa governor ang malampuson niyang mga programa nga naglakip sa Suroy-suroy Sugbo, pagpananum og nangka, kamote, mga utanon ug uban pa.

Si Weinbaum mipasalig nga mohimo siya og mga lakang aron makabaton siya og maayong mga proyekto nga labing makapalig-on sa sisterhood agreement tali sa lalawigan sa Sugbo ug sa Reshon Lezion, usa sa mga daku nga siyudad sa Israel. (BANATNEWS)