Nakig-sex sa bayot gikawatan

CEBU, Philippines - Usa ka langyaw nga nakig-sex sa usa ka mahuyang sulod sa kwarto sa usa ka beach resort nga giabangan sa biktima sa lungsod sa Asturias ang mireklamong gikawatan sa maong mahuyang sa iyang pitaka. Daw sa nasuko ang langyaw kay ang kuyog sa mahuyang nga usa ka babaye wala mosugot nga makig-sex kaniya human mibalibad kay wala kunoy dala nga condom ang maong langyaw.

Sigun sa taho sa kapulisan sa lungsod sa Asturias nga nakadawat sila og tawag gikan sa usa sa mga caretaker sa beach resort ug nangayog tabang human nanglamba sa pultahan sa kwarto ang langyaw.

Ang 53-anyos nga langyaw nga taga France temporaryong nagpuyo sa lungsod sa Balamban midangop sa kapolisan nga nawala ang iyang pitaka nga may sulod nga P18 mil, credit cards ug mga importanteng dokumento.

Sa gihimong imbestigasyon sa kapulisan nga niadtong Lunes, pasado alas-9 sa gabii ang langyaw mi-pickup og usa ka 30-anyos nga babaye ug 20-anyos nga mahuyang diha sa barangay Baliwagan, Balamban.

Gidala sa langyaw ang duha sa usa ka bar sa Balamban ug nag-inom silang tulo. Pagkasunod adlaw sa tungang gabii nangadto ang tulo sa usa ka beach resort sa lungsod sa Asturias ug nangabang og lawak.

Matud pa ang langyaw ug ang mahuyang naghilawas ug migawas ang babaye apan sa pagbalik sa naulahi kini na puy buot nga pakighilawasan sa langyaw apan gibalibaran kini sa babaye tungod kay walay condom.

Tungod niini nasuko ang langyaw ug nanghagis, pag-abot sa mga polis gipasanginlan dayon silang mikuha sa pitaka niini.

Ang langyaw matud pang PO2 Dandreb Lambo sa Asturias Police Station nga nahinabi sa Banat News desididong mosang-at og kaso batok sa duha bisan gimando sa piskalya nga pabuhian ang duha tungod sa kakulang sa basehan aron sila pugngan.  - BANAT NEWS